Thaenaaram | Tamil Obituary Notices | Remembrance Notices | Tamil Death Notices

சிறுமி ஆயிஷா படுகொலைக்கு நீதி கோரும் கவனவீர்ப்பு போராட்டம்
அட்டுலுகமை சிறுமி ஆயிஷா படுகொலைக்கு நீதி கோரி யாழ்ப்பாணத்திலும் கவனவீர்ப்பு போராட்டம் முன்னெடுக்கப்பட்டது.

வடக்கு, கிழக்கு பெண்கள் ஒன்றியம் மற்றும் பொது அமைப்புக்களின் ஏற்பாட்டில்
யாழ். மாவட்ட செயலகத்துக்கு முன்பாக இன்று செவ்வாய்க்கிழமை (31) காலை ஒன்று கூடிய போராட்டக்காரர்கள் ஆயிஷாவின் மரணத்துக்கு நீதி கோரி கோஷங்களை எழுப்பினர்.

நேற்று செவ்வாய்க்கிழமை வடக்கு, கிழக்கு தழுவிய ரீதியில் ஆயிஷாவிற்கு நீதி கோரி இந்த போராட்டம் முன்னெடுக்கப்பட்டமை குறிப்பிடத்தக்கது.

யாழ் ஊடக அமையத்துக்கு 5 இலட்சம் ரூபா நிதி உதவி

யாழ் ஊடக அமையத்துக்கு 5 இலட்சம் ரூபா நிதி உதவி. கனடா மற்றும் இலங்கைக்கான வர்த்தக இணைப்பாளர் குலா செல்லத்துரை அவர்களின் பங்களிப்புடன் யாழ் (ஊடக அமையத்திற்கு) ஐந்து இலட்சம் ரூபா நிதி வழங்கி வைக்கப்பட்டது.

அண்மையில் இலங்கை வந்திருந்த குலா செலுத்துரை குடும்பத்தினர் COVID 19 தீவிர நோய்ப் பரவலின் போது யாழ்ப்பாணம் போதனா வைத்தியசாலைக்கு பல்வேறு மருத்துவ உதவிகளை வழங்கி இருந்தனர்.

இதன்போது யாழ் ஊடக அமையத்தில் விடுத்த வேண்டுகோளுக்கிணங்க, பிரபல தொழிலதிபர் குலா செல்லத்துரை அவர்களினால் , ஊடகவியலாளர்கள் பொருட்கள் கொள்வனவு செய்வதற்காகவும், நீதிமன்றங்களில் இடம்பெறும் வழக்கு நடவடிக்கைக்காகவும் இந்த பணம் வழங்கி வைக்கப்பட்டுள்ளது.

குலா செல்லத்துரை அவர்கள் CMG குழுமத்தின் வர்த்தக பங்காளர் என்பதும் குறிப்பிடத்தக்கது.

பாதுகாப்பற்ற புகையிரதக் கடவையை மோட்டார் சைக்கிளில் கடக்க முயன்ற இளைஞன் ரயிலுடன் மோதுண்டு சம்பவ இடத்திலேயே உயிரிழந்தார்.

இந்தச் சம்பவம் நேற்று திங்கட்கிழமை பிற்பகல் 2 மணியளவில் அரியாலை - நாவலடியில் இடம்பெற்றது. இதில், அதே இடத்தைச் சேர்ந்த ம. அரவிந்தன் (வயது- 28 ) என்பவரே உயிரிழந்தார்.

சம்பவத்தையடுத்து அங்கு கூடிய கிராம மக்கள் தொடருந்தை மறித்து ஆர்ப்பாட்டத்தில் ஈடுபட்டனர்.